Moskvadagi Filatov kasalxonasida bir-biridan ajratilgan Siam egizaklari operatsiyani yaxshi o‘tkazdi, shifokorlar o‘z ishidan qoniqish bildirdi. Bu haqda Rossiya poytaxti bosh bolalar jarrohi Aleksandr Razumovskiy ma’lum qildi, deya xabar beradi “TASS”.
Razumovskiyga ko‘ra, 10 soatga cho‘zilgan operatsiya davomida jarrohlar ko‘zda tutilmagan muammolar va asabiy vaziyatlarga duch kelmagan. Vaholanki, shifokorlar oldida qiyin vazifa turgandi.
“Bizni rekonstruksiya uchun o‘ta murakkab bo‘lgan holat qarshi oldi: bolalarning umumiy ichak va o‘t yo‘lini ular operatsiyadan keyin ham me’yordagidek ishlaydigan darajada ajratish kerak edi. Operatsiyadan ko‘nglimiz to‘ldi. Bolalar hammasini ajoyib darajada ko‘tardi, bizda ular bilan bog‘liq hech qanday qiyinchilik bo‘lmadi”, — deya ta’kidlagan shifokor.
Siam egizaklari dunyoga kelganiga 1,5 oy to‘lgan bo‘lib, ulardan birida tug‘ma yurak porogi aniqlandi.
Izoh (0)