Fransiya parlamentida muxolifat hukumatga ishonchsizlik masalasi ko‘rib chiqishni talab qildi

Fransiyaning o‘ngmarkazchi muxolifati hukumatga ishonchsizlik votumi o‘tkazilishini talab qildi. Bu haqda “TASS” xabar bermoqda.

“Mazkur masala bo‘yicha ovoz berish jarayoni Milliy majlisda 12-may, payshanba kuni bo‘lib o‘tadi”, deya ma’lum qildi “Respublikachilar” partiyasining parlament quyi palatasidagi fraksiyasi rahbari Kristian Jakob.

Muxolifat bunday qarorga kelishiga bosh vazir Manyuel Vals hukumat parlamentni chetlab o‘tib, jamiyatda ko‘plab noroziliklarga olib kelgan mehnat kodeksi islohotini tasdiqlash niyatida ekanligini e’lon qilgani sabab bo‘lgan.

Jakobning aytishicha, “namoyishlardan qo‘rquv tufayli shoshilinch ravishda hammasini yakunlash uchun shunday qilinmoqda”.