“Real” hujumchisi Krishtianu Ronalduning onasi Dolores Aveyru o‘g‘lining “Manchester Siti”ga qarshi Yevropa Chempionlar Ligasi 1/2 final javob o‘yiniga tayyor bo‘lishiga umid qilayotganini bildirdi, deb xabar beradi “Chempionat”.

“Ronaldu hozir maydonga tushish uchun 80 foizga tayyor, lekin kelasi hafta u 100 foiz tayyor bo‘lishiga umid qilaman. Krishtianu kuchli xarakter egasi va u doimo ko‘prog‘ini istaydi. O‘g‘lim Madridda o‘zini baxtiyor his qilmoqda va faoliyatini o‘sha yerda tugatmoqchi”, – dedi Dolores Aveyru.

Eslatib o‘tamiz, “Vilyarreal”ga qarshi (3:0) Ispaniya chempionati 34-turida jarohat olgan portugaliyalik hujumchi “Manchester Siti”ga qarshi (0:0) Yevropa Chempionlar Ligasi yarim final dastlabki uchrashuvi oldidan o‘tkazilgan fitnes-testdan o‘ta olmadi va o‘yinni o‘tkazib yubordi.

• Ronaldu tana hujayralari bilan davolanadi, “Sosyedad” bilan o‘ynamaydi va “Man Siti” bilan javob uchrashuvini o‘tkazib yuborishi mumkin