Milliarder Alessandro Proto “Real” hujumchisi Krishtianu Ronalduga nisbatan da’vo qo‘zg‘ash haqida ariza berdi, deya xabar bermoqda “Sports.ru”. Bu uning Nyu-Yorkda 18,5 million dollarlik kvartira sotib olishi haqidagi ma’lumotni rad etishi bilan bog‘liq.
Futbolchining vakillari avvalroq ushbu axborotni rad etgan va ba’zi odamlar o‘z manfaati uchun portugaliyalikning mashhurligi va uning ismidan foydalanishini ta’kidlagan edi.
Proto Enterprises kompaniyasi rahbariyati Ronaldudan tuhmat va yolg‘on ma’lumot uchun 10 million yevro undirish talabi bilan sudga murojaat qildi.
“AQShdagi kvartiraning haqiqiy to‘lov qabul qilib oluvchisi ro‘yxatga olingach, biz Ronaldu uni sotib olganidan so‘ng, Badr Xariga hadya qilinganini aytishga majbur bo‘ldik”, — deyiladi bayonotda.
Nashr ta’kidlashicha, marokkolik kikbokschi Badr Xari Ronalduning do‘sti hisoblanadi.
Eslatib o‘tamiz, avvalroq portugaliyalik futbolchi Krishtianu Ronaldu Nyu-Yorkda o‘ziga 18,5 million dollarlik loft sotib olgani xabar berilgan edi.
Izoh (0)