Amerika kinoakademiyasi “Oskar—2016” taqdirlash marosimida Kris Rok tomonidan bildirilgan irqchilik ruhidagi hazil uchun uzr so‘radi. Boshlovchi kelib chiqishi osiyolik bo‘lganlar kinoakademiyada hisobchi bo‘lib ishlashini aytib o‘tgandi, deya xabar beradi Meduza.
Shuningdek, kinoakademiya tashkilot a’zolarining etnik tarkibi turlicha bo‘lishi yo‘lida ilk qadam tashladi. Jumladan, boshqaruvchilar kengashiga qora tanli rejissor Rejinald Xadlin, yozuvchi Gregori Nava (Lotin Amerikasi), kelib chiqishi osiyolik multiplikator Jenifer Yu Nelson kiritildi.
“Xilma-xillik borasida ko‘rgan choralarimiz bilan faxrlanaman. Biroq tashkilotimiz etnik ozchilik uchun yanada ochiq bo‘lishi borasida hali ko‘p ishlashimiz kerakligini bilamiz”, — deya ta’kidlagan kinoakademiya prezidenti Bun Ayzeks.
Izoh (0)