Maslahatchilar federal jyurisi huquq-tartibot xodimining g‘ayriqonuniy harakatlari oqibatida jarohat olgan Florida shtatining qora tanli fuqarosiga 23,1 million dollar tovon to‘lash haqida hukm chiqardi. Mazkur qaror 3-fevral, chorshanba kuni Fort-Loderdeyl shahrida bo‘lib o‘tgan eshituvlardan so‘ng qabul qilindi. Bu haqda “TASS” xabar bermoqda.
Hodisa 2013-yilning sentabrida sodir bo‘ldi. Palm-Bich okrugi sherifi o‘rinbosari Adams Lin velosipedda ketayotgan 22 yoshli Dontrell Stivensni yo‘l harakati qoidalarini buzgani uchun to‘xtatadi. Linning da’vo qilishicha, u jarima yozib berayotgan chog‘da qora tanli yigit belidan qora rangli buyumni oladi, buni sherif yordamchisi to‘pponchaga o‘xshatadi. Lin Stivensga qarata kamida to‘rtta o‘q uzadi va yigitni zudlik bilan kasalxonaga eltishga to‘g‘ri keladi.
Keyinchalik yigit qurolsiz bo‘lgani, uning qo‘lidagi buyum mobil telefon ekanligi ma’lum bo‘ladi. Advokatlar yaralanganidan so‘ng qimmat turadigan qayta tiklanish muolajalarini olishga majbur bo‘lgan Stivensga qo‘shimcha davolanish uchun 5 million, jismoniy va ma’naviy zarar uchun esa 18 million dollar to‘lab berilishini talab qilgan. Linning harakatlarini g‘ayriqonuniy deb topgan jyuri himoyaning dalillariga qo‘shildi.
Endi jabrdiydaga tovon to‘lab berilishini Florida qonunchilik yig‘ini ma’qullashi kerak. Sherif boshqarmasi vakillari chiqarilgan hukmdan norozi bo‘lgan va apellyatsiya berilishini ma’lum qilgan.
Izoh (0)