Facebook va Instagram mazkur ijtimoiy tarmoqlarda o‘qotar qurol va o‘q-dorilarning xususiy sotuviga oid xabarlar joylashtirilishini man etadi. Bu haqda 29-yanvar, juma kuni Facebook rasmiy vakili Monika Bikert ma’lum qildi, deya xabar beradi “TASS”.
Xususiy tarzda amalga oshiriladigan bunday kelishuvlarga oid xabarlar o‘chirib tashlanadi. Bu 2012-yil bahoridan beri Facebook’ka tegishli bo‘lgan fotosuratlar va video almashish servisi — Instagram’ga ham taalluqli.
The New York Times ma’lumotlariga ko‘ra, Facebook rahbariyati AQSh prezidenti ma’muriyati bosimi ostida shunday qarorga kelgan. Barak Obama mamlakatda qurol-yarog‘ sotuviga oid qoidalar mustahkamlanishiga intilmoqda va ijtimoiy tarmoqlar ularning oldi-sotdisi tashkillashtiriladigan maydonga aylanishini istamaydi.
Oldinroq Facebook orqali narkotiklar va tibbiy preparatlarning ayrim turlari sotuvi ham man etilgandi.
Izoh (0)