Obama Amerikaning muhojirlik siyosatini yoqlab chiqdi

AQSh prezidenti Barak Obama Amerikaning ochiq muhojirlik siyosatini yoqlab chiqdi. Bu haqda “Korrespondent.net” xabar bermoqda.

“Bu Amerikani betakror mamlakatga aylantirgan eng eski an’anamiz, — deya ta’kidlagan Obama yangi fuqarolarni naturalizatsiya qilishga bag‘ishlangan marosimdagi chiqishi chog‘ida. — Qo‘shma Shtatlar muhojirlardan tashkil topgan davlat, yangi fuqarolar uning xalqini doimiy ravishda o‘zgartirib boradi”.

Eslatib o‘tamiz, oldinroq AQSh prezidentligiga nomzod Donald Tramp mamlakatga musulmonlar kelishini man etish zarurligini bildirgani haqida xabar bergandik.