Hindistonda avtobusning daryoga qulab ketishi oqibatida 15 kishi halok bo‘ldi

Hindiston markazidagi Madxya-Pradesh shtatida 15-dekabr, seshanba kuni yo‘lovchi avtobusining daryoni kesib o‘tuvchi ko‘prikdan qulab ketishi oqibatida 15 kishi halok bo‘ldi, 25 kishi yaralandi. Bu haqda shtat politsiyasi ma’lumotiga tayanib, “TASS” xabar beradi.

Xususiy tashuvchiga tegishli bo‘lgan avtobus Xoshangobod okrugida Indor—Parasiya yo‘nalishi bo‘yicha tonggi reysni amalga oshirayotgan edi.

Huquqni muhofaza qiluvchi organ xodimlari haydovchining rulda uxlab qolganligini taxmin qilmoqda. Fojia hududiga qutqaruvchilar bo‘linmasi yetib bordi, qidiruv ishlari amalga oshirilmoqda.

Qurbonlar soni oshishi mumkinligi ma’lum qilinmoqda.