Marokash 2015-yilda Afrikadagi eng yaxshi sayyohlik yo‘nalishi deb topildi
Dunyoga mashhur Marokash yana o‘zining yuqori saviyaga ega ekanligini isbotladi. Qirollikning sarg‘ish qizil rangli shahri nufuzli xalqaro mukofot World Travel Awards’ni qo‘lga kiritdi, deb xabar beradi “TASS”.
Mashhur siyosatchilar, shou-biznes va sport yulduzlari dam olishni yaxshi ko‘ruvchi Namaskar, Royal Mansour, Selman, shuningdek, afsonaviy Mamounia kabi Marokashning bir qator zamonaviy mehmonxonalari hakamlarda katta taassurot qoldirdi.
Shuningdek bu yerdagi sport sayyohligi va dam olish uchun yaratilgan qulay imkoniyatlar, golf maydonlari, tennis kortlari, basseynlar, hamda sog‘lomlashtiruvchi markazlar, spa-salonlar va hammomlar alohida maqtovga sazovor bo‘ldi.
2014-yilning yakunlariga ko‘ra Marokashga ikki milliondan ortiq sayyoh kelgan, shahardagi xalqaro aeroport to‘rt milliondan ortiq yo‘lovchiga xizmat ko‘rsatgan.
