Yengil atletika bo‘yicha o‘smirlar o‘rtasidagi JChda o‘zbekistonlik Polyunin bronza medalini qo‘lga kiritdi

Kolumbiyaning Kali shahrida yengil atletika bo‘yicha o‘smirlar o‘rtasida o‘tkazilgan jahon chempionatida o‘zbekistonlik Vladislav Polyunin bronza medali sovrindori bo‘ldi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.

Dunyoning eng iqtidorli yengil atletikachilari ishtirokida bo‘lib o‘tgan mazkur nufuzli musobaqaning nayza uloqtirish sektorida Vladislav Polyunin 76,77 metr natija qayd etib, kuchli uchlikdan o‘rin egalladi.

Ushbu musobaqada oltin medalni JAR vakili Paul Yakobs Bota (78,49 m) qo‘lga kiritgan bo‘lsa, kumush medalga germaniyalik Niklas Kaul ( 78,05 m) sazovor bo‘ldi.