O‘zbekiston olimpiya termasi Osiyo chempionati qur’asida 3-savatchada bo‘ladi

Osiyo futbol konfederatsiyasi 23 yoshgacha bo‘lgan futbolchilar o‘rtasidagi Osiyo chempionati final bosqichi uchun o‘tkaziladigan qur’adan avval jamoalarni savatchalarga ajratdi. Bu haqda O‘zbekiston futbol federatsiyasi matbuot xizmati xabar bermoqda.

Unga ko‘ra, O‘zbekiston olimpiya terma jamoasi 3-savatchadan o‘rin oladigan bo‘ldi. Ushbu savatchadan, shuningdek, Suriya, Eron, KXDR jamoalari ham joy oladi.

Savatchalar quyidagicha ko‘rinish olgan:

1-savatcha: Qatar, Iroq, Saudiya Arabistoni, Iordaniya2-savatcha: Janubiy Koreya, Avstraliya, Yaponiya, BAA3-savatcha: Suriya, Eron, KXDR, O‘zbekiston4-savatcha: Tailand, Xitoy, Vyetnam, Yaman

Eslatib o‘tamiz, qur’a tashlash marosimi shu yilning 12-sentabr kuni Qatarda o‘tkaziladi.