AQSh prezidenti Barak Obamaning milliy xavfsizlik masalalari bo‘yicha yordamchisi Syuzan Rays ikki yil oldin vafot etgan nigeriyalik yozuvchi Chinua Achebening o‘limi munosabati bilan xatolik tufayli hamdardlik bildirdi, deb xabar bermoqda Buzzfeed.
“Bugun Nigeriyada qayg‘uli kun, boisi Chinua Achebe o‘zining ona qishlog‘ida dafn etildi. U o‘zidan keyin o‘chmas taassurot qoldirgan Afrika adabiyoti giganti edi”, − deb yozgan Rays o‘zining Twitter’dagi sahifasida. Siyosatchining ushbu tviti birmuncha vaqt o‘tgach o‘chirib yuborilgan. Xatolikka yozuvchining vafoti ikki yilligi munosabati bilan Twitter’da tarqalgan xabarlar sabab bo‘lgani taxmin qilingan.
Keyinroq, Rays o‘z xatosi yuzasidan izoh ham berib, “Afrikaning eng buyuk odamlaridan bo‘lgan Chinua Achebe hayoti va merosini eslash uchun istalgan sabab unga e'tibor qaratishlari uchun munosibdir”, − deb yozgan.
Izoh (0)