Fransiyaning sobiq prezidenti Nikolya Sarkozi o‘zining Facebook’dagi sahifasiga millioninchi “layk”ni bosgan kishi bilan yaqin orada bir kunni birga o‘tkazishni rejalashtirmoqda, deb xabar berdi “Interfaks”.

Avvalroq o‘tgan dam olish kunlari “Xalq harakati ittifoqi” partiyasi rahbarligiga saylangan Sarkozi vakillari sobiq prezidentning sahifasidagi millioninchi muxlisni syurpriz kutayotgani haqida xabar bergan. Keyin esa bu syurpriz partiya shtab-kvartirasida Sarkozining bir ish kuni davomida birga yurish imkoniyati ekanligi oydinlashdi.

Fransiyaning sobiq rahbari yordamchilari millioninchi layk poytaxt Parijda yashovchi Facebook foydalanuvchisi tomonidan qo‘yilganini aniqlashga ulgurgani ma’lum qilingan.