Rossiya Federatsiyasi Musulmonlari diniy boshqarmasi rasman ro‘yxatdan o‘tkazildi

So‘nggi yillarda o‘z faoliyatini Ural, Uzoq Sharq va Sibirga kengaytirgan Rossiyaning Yevropa qismi Musulmonlari diniy boshqarmasining nomi Rossiya Federatsiyasi Musulmonlari diniy boshqarmasiga o‘zgartirilib ro‘yxatga olindi, deb xabar bermoqda “TASS”.

Tashkilot nomining o‘zgartirilishi haqidagi qaror uning faoliyati amalda Rossiyaning Yevropa qismi chegaralaridan ancha keng hududlarga tarqalgani tufayli qabul qilingani ta’kidlangan.

Rossiyaning Yevropa qismi Musulmonlari diniy boshqarmasini tashkil etilgan 1994-yildan beri boshqarib kelgan Ravil Gaynutdin Rossiya Federatsiyasi Musulmonlari diniy boshqarmasiga ham rahbarlik qiladigan bo‘ldi.