Astronomlar o‘ta noyob samoviy hodisa − butun koinotda eng kuchli magnit maydoniga ega neytron yulduzlarining alohida turi hisoblangan magnetarda “yulduz qimirlashi”ni kuzatishga muvaffaq bo‘ldi, deb xabar bermoqda “RIA Novosti”.
Magnetar Yernikidan bir necha kvadrillion marta magnit maydoniga ega neytron yulduz bo‘lib, buning evaziga o‘ta tez aylanadi. Koinotda hozirgacha jami 23 ta magnetar aniqlangan. Yer qimirlashiga o‘xshash magnetarning “yulduz qimirlashi” hodisasi vaqtida esa bunday yulduz xuddi qo‘ng‘iroq singari jaranglaydi.
Fermi kosmik gamma-teleskopi yordamida kuzatilgan SGR J1550-5418 magnetari Yerdan taxminan 15 ming yorug‘lik yili uzoqlikda joylashgan. U barcha aniqlangan neytron yulduzlar ichida eng tez aylanuvchisi bo‘lib, buning uchun 2,07 sekund kifoya qiladi.