6-iyul, yakshanba kuni Puerto-Rikalik Fres Okendoga qarshi ringga ko‘tariladigan Ruslan Chagayev bo‘lajak jang oldidan o‘z fikrlari bilan o‘rtoqlashdi, deb yozadi “Olamsport”.

“Okendoni hurmat qilaman. U kuchli bokschi va jiddiy raqib. Jang g‘olibi dastlab Luis Ortis bilan bahs olib boradi. U biz jang qiladigan titul uchun rasmiy da’vogar sanaladi. Ortisga qarshi jang qilishni anchadan buyon istab yurgan edim.

Buning uchun menda yaxshigina imkoniyat bor. Keyin esa Vladimir Klichko va Aleksandr Povetkindan avvalgi mag‘lubiyatlar uchun o‘ch olishni istayman”, — dedi Chagayev.