Janubiy Koreyada cho‘kib ketgan “Sevol” paromida olib borilayotgan qidiruv-qutqaruv ishlari vaqtida ko‘ngilli g‘avvoslardan biri halok bo‘ldi, deya xabar bermoqda Local 10 nashri.
Qayd etishlaricha, suvga sho‘ng‘ish vaqtida 53 yoshli g‘avvos hushidan ketgan. Mahalliy vaqt bilan 7:12 da dayverni shifoxonaga yetkazishgan, biroq shifokorlar yordam bera olmagan va g‘avvosning vafot etganini ma’lum qilgan.
Xabar berishlaricha, g‘avvos bilan aloqa u suvga sho‘ng‘ib, 25 metr chuqurlikka tushganidan so‘ng to‘xtab qolgan. Hozirgi vaqtda cho‘kib ketgan parom atrofidagi barcha qidiruv-qutqaruv ishlari to‘xatilgan, deb xabar beradi “Kun”.
“Sevol” paromi 16-aprel kuni Janubiy Koreya qirg‘oqlari yaqinida halokatga uchragan edi. Kema bortida 476 nafar yo‘lovchi bo‘lgan. Hozirgacha ulardan 259 nafarining jasadi suv ostidan olib chiqildi.
Izoh (0)