O‘zbekistonning birinchi raqamli tennischisi Denis Istomin Germaniyaning Myunxen shahrida o‘tkazilayotgan an’anaviy xalqaro turnirning ikkinchi davrasida Avstraliya vakili Marinko Matoshevichni mag‘lub etdi. Bu haqda O‘zbekiston Milliy Olimpiya qo‘mitasi matbuot xizmati xabar berdi.
Ikki soatu 11 daqiqa davom etgan uchrashuv 6:7 (6), 6:3, 7:5 hisobida Denis Istominning foydasiga hal bo‘ldi.
Endi o‘zbekistonlik tennischi yarim final yo‘llanmasi uchun Martin Klijan (Slovakiya) bilan kuch sinashadi. Slovakiyalik tennischi nimchorak finalda rossiyalik Mixail Yujniy ustidan 6:7 (5), 6:2, 7:6 (2) hisobida zafar quchdi.
Izoh (0)