Англия Премьер Лигасининг 2026/2027-йилги мавсум 3-туридан ўрин олган марказий учрашув ўз якунига етди. Лондондаги “Эмирейтс” стадионида кечган баҳсда “Арсенал” “Челси”ни 2:1 ҳисобида таслим этди.
Учрашув меҳмонларнинг фаол бошланди — ўйиннинг 2-дақиқасидаёқ Морган Рожерс рақиб дарвозасини ишғол қилиб, “Челси”ни ҳисобда олдинга олиб чиқди. 12-дақиқада Рикардо Калафьори мувозанатни тиклагандек кўринганди, бироқ VAR ёрдамида текширув ўтказилиб, гол бекор қилинди. Шунга қарамай, 25-дақиқада Кай Ҳаверс ҳисобни тенглаштиришга эришди.
Иккинчи бўлим бошида эса “Арсенал” устунликни ўз қўлига олди. 50-дақиқада Мартин Эдегор ўз номига гол ёздириб қўйиб, жамоасига ғалаба келтирган гол муаллифига айланди. Қолган дақиқалар ҳам кескин курашлар остида ўтди, аммо ҳисоб бошқа ўзгармади. Ушбу ғалабадан сўнг “Арсенал” ўз очколарини 9 тага етказиб олди. “Челси” ҳисобида эса 6 очко мавжуд.
Чемпионатнинг навбатдаги турида “канонирлар” 12 сентябрь куни “Сандерленд” билан баҳс олиб боради. “Челси” ҳам айни шу куни ўз уйида “Ҳалл Сити”ни қабул қилади.
Англия Премьер Лигаси, 3-тур
“Арсенал” — “Челси” 2:1
Голлар: 0:1 — Морган Рожерс (2), 1:1 — Кай Ҳаверс (25), 2:1 — Мартин Эдегор (50).
