Саида Мирзиёева Қатарга ташрифи давомида ушбу давлат амири Шайх Тамим бин Ҳамад ал Соний билан учрашди.
Суҳбат давомида у президент Шавкат Мирзиёевнинг саломи ва энг эзгу тилакларини етказди. Икки давлат ўртасидаги ўзаро алоқаларни янада кенгайтириш ва янги қўшма ташаббусларни илгари суриш масалаларини муҳокама қилинди.
“Шубҳасиз, мамлакатларимиз ўртасида муштарак манфаатлар ҳамда янги истиқболли лойиҳаларни амалга ошириш учун улкан имкониятлар мавжуд”, деди Президент администрацияси раҳбари.
Саида Мирзиёева 2 сентябрь куни Шайха ал-Маясса бинт Ҳамад бин Халифа ал Соний билан биргаликда Қатар Ислом санъати музейида ташкил этилган “Ўзбекистон: ҳаракатдаги мерос” кўргазмасининг очилишида иштирок этганди. Шу куни қатарлик етти нафар ҳунарманднинг Тошкент, Самарқанд ва Бухоро бўйлаб ижодий сафари якунларига бағишланган “Экташиф Ўзбекистон” кўргазмаси ҳам ўз ишини бошлади.
