Венесуэлада 24 июнь куни юз берган иккита зилзилада вафот этганлар сони 1430 кишига етди, камида 68 900 киши бедарак йўқолди. Бу ҳақда ҳукуматга таяниб Associated Press хабар берди.
Мутахассислар омон қолганларни қутқариш учун дастлабки 48-72 соатни ҳал қилувчи деб ҳисобламоқда. Аммо улар озиқ-овқат ва сувга эга бўлса, бу муддат узайиши мумкин. Табиий офат оқибатида энг кўп Ла Гуайра штати зарар кўрган.
Венесуэла президенти вазифасини бажарувчи Делси Родригес штатга хавфсизликни таъминлаш ва қутқарувчиларга ёрдам бериш учун 14 мингдан ортиқ ҳарбий ва полициячи юборилганини айтган.
Кўплаб венесуэлаликлар ҳукуматнинг ҳаракатларини етарлича эмас деб баҳоламоқда. Улар Венесуэла аскарлари, ўт ўчирувчилар, полиция ва ҳарбий курсантлар фожиа кўламига қарши курашишга мутлақо тайёр эмаслигини билдирган. БМТ ҳисоботига кўра, 7,2 ва 7,5 балли иккита зилзила келтирган тўғридан тўғри зарар миқдори 6,7 миллиард долларни ташкил этмоқда. Иккинчи ер силкиниши Венесуэлада сўнгги бир асрдан кўпроқ вақт ичида содир бўлган энг кучли зилзила ҳисобланади.
