Аргентина миллий терма жамоаси сардори Лионель Месси футбол бўйича Жаҳон чемпионатлари тарихига кирди. У мундиалларнинг кетма-кет 7 та учрашувида гол урган илк футболчига айланди.
Мессининг Жаҳон чемпионатларидаги кетма-кет 7 та ўйиндан иборат голли серияси Қатарда бўлиб ўтган ЖЧ—2022 мусобақасининг плей-офф босқичидан бошланган. Аниқроқ қилиб айтганда, бу тарихий серия 2022-йилнинг 3 декабрь куни нимчорак финалда (1/8) Австралия терма жамоаси дарвозасига киритилган голдан бошланган эди.
Месси ўзининг ушбу голли сериясини 2026-йилги Жаҳон чемпионатининг гуруҳ босқичида ҳам давом эттирди. Ҳужумчи ЖЧ—2026 гуруҳ босқичидаги 3 та ўйинда жами 6 та гол киритишга эришди ва шу пайтга қадар футбол тарихида ҳеч ким уддалай олмаган ноёб ютуқ соҳибига айланди.
Шунингдек, аргентиналик ҳужумчи Жаҳон чемпионатларида урилган умумий голлар сони бўйича ҳам рекордни янгилади. Эндиликда унинг ҳисобида мундиалларда киритилган жами 19 та гол мавжуд. Ушбу кўрсаткич орқали Месси ўзининг энг яқин таъқибчилари бўлмиш Килиан Мбаппени янада ортда қолдирди (франциялик ҳисобида 16 тадан гол бор).
Маълумот учун, Аргентина терма жамоаси Жаҳон чемпионати 1/16 финал босқичида Кабо-Вердега қарши майдонга тушади. Учрашув 4 июль куни Маями шаҳридаги “Hard Rock” стадионида бўлиб ўтади.
