Бугун, 23 июнь куни Ўзбекистон миллий терма жамоаси Жаҳон чемпионати гуруҳ босқичининг 2-турида Португалияга қарши навбатдаги ўйинини ўтказади. Мазкур баҳс олдидан расмийлар иштирокида ташкилий йиғилиш бўлиб ўтди.
FIFA вакиллари ҳамда ҳар икки жамоа расмийлари иштирокида ўтган учрашувда мусобақа регламентига оид бир қатор масалалар юзасидан тушунтириш ва эслатмалар берилди. Шунингдек, жамоаларнинг эртанги ўйинда қандай рангдаги либосларда ҳаракат қилиши ҳам тасдиқланди. Унга кўра, Ўзбекистон Португалияга қарши тўлиқ оқ, дарвозабон эса яшил рангли либосда майдонга тушиши маълум бўлди.
Маълумот ўрнида эслатиб ўтамиз, Ўзбекистон ҳамда Португалия терма жамоалари ўртасидаги ЖЧ—2026 гуруҳ босқичининг 2-тур баҳси 23 июнь куни бўлиб ўтади. Учрашув Тошкент вақти билан соат 22:00 да бошланиши белгиланган. Ўйин Ҳьюстондаги “NRG” стадионида бўлиб ўтади.
