Тошкент шаҳри Сергели туманида икки кишининг ўлими билан боғлиқ ҳолат юзасидан жиноят иши қўзғатилди. Бу ҳақда “Дарё”га Бош прокуратура маълум қилди.
Дастлабки маълумотларга кўра, воқеа 21 май куни содир бўлган. Ҳодиса оқибатида 2004-йилда туғилган қиз ҳамда 1975-йилда туғилган Хитой фуқароси вафот этган.
Мазкур ҳолат юзасидан Сергели тумани прокуратураси томонидан Жиноят кодексининг 97-моддаси 2-қисми (қасддан одам ўлдириш) билан жиноят иши қўзғатилган.
Жиноятни содир этишда гумон қилинаётган 1998-йилда туғилган шахс (ўқитувчи) процессуал тартибда ушланган. Бош прокуратура маълумотига кўра, ҳозирда иш бўйича тергов ҳаракатлари олиб борилмоқда.
2026 йил февраль ойи бошида Тошкентнинг Олмазор туманида компьютерхонада йигит унга салом бермаган 2 нафар вояга етмаган шахсни пичоқлагани ҳақида хабар берилганди. Ҳолат юзасидан жиноят иши очилиб, қамоқ эҳтиёт чораси қўлланган.
