Италиялик тажрибали мутахассис Алдо Эспозито Ўзбекистон миллий терма жамоаси мураббийлар штабига қўшилди. Бу ҳақда Ўзбекистон футбол ассоциацияси матбуот хизмати хабар берди. Унга кўра, ушбу мутахассис терма жамоа футболчиларининг тикланиш жараёни, жароҳатларнинг олдини олиш ҳамда реабилитация йўналишида фаолият олиб боради.
Маълумот учун, Алдо Эспозито фаолияти давомида Италиянинг “Кальяри” ҳамда “Ювентус” клублари ва Италия миллий терма жамоасида физиотерапевт сифатида ишлаган. Мутахассис 5 та Жаҳон чемпионати ва 5 та Европа чемпионатида иштирок этган бўлиб, 2006-йилги Жаҳон чемпиони ҳисобланади.
Шунингдек, у FIFA Клублар ўртасидаги Жаҳон чемпионати ҳамда УЕФА Чемпионлар Лигасида ғолибликни қўлга киритган жамоалар сафида фаолият юритган.
Маълумот учун, Ўзбекистон миллий терма жамоаси 6–26 май кунлари Тошкентдаги Миллий футбол марказида ўқув-машғулот йиғинларини ўтказади. Шундан кейин жамоа Жаҳон чемпионатида иштирок этиш учун учиб кетади.
