Нуфузли Goal портали УЕФА Чемпионлар Лигаси 1/8 финал босқичи якунлангач, турнир ғолиблиги учун асосий даъвогарлар рўйхатини янгилади. Рейтингнинг аввалги талқинида пешқадамлик қилган Мюнхеннинг “Бавария” жамоаси бу сафар иккинчи ўринга тушиб кетди.
Янги рейтингда Лондоннинг “Арсенал” клуби пешқадамликни қўлга олди. “Канонирлар” турнирнинг 1/4 финалида Португалиянинг “Спортинг” жамоасига қарши майдонга тушади. Агар Лондон клуби ушбу тўсиқдан ўта олса, ярим финалда “Барселона” ва “Атлетико” жуфтлиги ғолиби билан куч синашади.
Goal нашри талқинига кўра, кучли учликни Франциянинг “ПСЖ” клуби якунлаб берган. Кейинги ўринлардан мос равишда Мадриднинг “Реал”, “Барселона”, “Атлетико Мадрид”, “Ливерпуль” ва Лиссабоннинг “Спортинг” клублари жой олган.
Goal талқинига кўра, ЕЧЛ фаворитлари рўйхати:
- “Арсенал” (Англия)
- “Бавария” (Германия)
- “ПСЖ” (Франция)
- “Реал Мадрид” (Испания)
- “Барселона” (Испания)
- “Атлетико Мадрид” (Испания)
- “Ливерпуль” (Англия)
- “Спортинг” (Португалия)
ЕЧЛ 2025/26-мавсуми 1/4 финал жуфтликлари:
- “Спортинг” — “Арсенал”
- “Реал Мадрид” — “Бавария”
- “ПСЖ” — “Ливерпуль”
- “Барселона” — “Атлетико Мадрид”
Маълумот ўрнида, чорак финалнинг дастлабки баҳслари 2026-йилнинг 7 апрель, сешанба куни бўлиб ўтиши белгиланган.
Эслатиб ўтамиз, Европа Чемпионлар Лигасининг амалдаги ғолиби “ПСЖ” клуби ҳисобланади. Парижликлар ўтган мавсум мусобақа финалида “Интер”ни 5:0 ҳисобида мағлуб этиб, бош совринга эга чиққан эди.
