Европа Чемпионлар Лигасининг жорий мавсумида чорак финал йўлланмасини қўлга киритган жамоалар турнир давомида қанча маблағ ишлаб топгани эълон қилинди. Молиявий рейтингда Мюнхеннинг “Бавария” клуби пешқадамлик қилмоқда. Немис гранди ҳозиргача 112,3 миллион евро ишлаб топган.
Иккинчи поғонадан Лондоннинг “Арсенал” клуби жой олган бўлиб, “канонирлар” ғазнаси 109,7 миллион еврога бойиди. Кучли учликни Англиянинг яна бир вакили — “Ливерпуль” жамоаси 109,5 миллион евро кўрсаткич билан якунлаб берди.
Шунингдек, чорак финалнинг бошқа иштирокчилари ҳам сезиларли даромадга эга бўлишди. Франциянинг “ПСЖ” клуби 105,9 миллион евро, Мадриднинг “Реал” жамоаси 102,6 миллион евро, “Барселона” эса 100,3 миллион евро ишлаб топган. Рўйхатнинг қуйи қисмидан Мадриднинг “Атлетико” (89,2 млн евро) ва Лиссабоннинг “Спортинг” (79,6 млн евро) клублари жой олди.
Тўлиқ рўйхат:
- “Бавария” — 112,3 млн евро;
- “Арсенал” — 109,7 млн евро;
- “Ливерпуль” — 109,5 млн евро;
- “ПСЖ” — 105,9 млн евро;
- “Реал” — 102,6 млн евро;
- “Барселона” — 100,3 млн евро;
- “Атлетико” — 89,2 млн евро;
- “Спортинг” — 79,6 млн евро.
Эслатиб ўтамиз, жорий мавсумнинг финал баҳси 2026-йилнинг 30 май куни Венгрия пойтахти Будапештдаги “Пушкаш Арена” стадионида бўлиб ўтади.
