Венесуэладан Кубада электр энергиясининг тўлиқ узилиш юз берди, тахминан 10 миллион киши таъминоциз қолди. Бу ҳақда UNЕ давлат электр тармоқлари операторига таяниб, Deutsche Welle хабар берди.
Маълум қилинишича, ҳозирда электр таъминотини тиклаш чоралари кўрилмоқда. Кубадаги жорий блекаутдан олдин электр таъминотида бир қатор узилишлар бўлганди. Баъзи ҳолларда аҳоли бир неча кун давомида электрсиз қолган.
Мазкур вазият фонида 14 ва 15 март кунлари мамлакатда норозилик намойишлари бўлиб ўтди, улар баъзи жойларда кўча тартибсизликларига айланди. Намойишларнинг илк кунида бир гуруҳ одам ҳукмрон Коммунистик партиянинг Морон шаҳридаги штаб-квартирасига ҳужум қилди.
Кубадаги иқтисодий ва энергетик инқироз АҚШнинг нефть блокадаси туфайли сезиларли даражада кучайган. Оролнинг энергия таъминоти асосан эскирган нефть электр станциялари ҳисобидан амалга оширилади. Яқин вақтгача Венесуэла Кубага нефть етказиб берувчи асосий давлат эди. Бироқ 2026-йилнинг январь ойида Қўшма Штатлар ушбу мамлакатга ҳужум қилиб, унинг президенти Николас Мадурони қўлга олганидан сўнг, Каракас кубаликларга нефть етказиб беришни тўхтатди.
Бундан ташқари, Вашингтон Кубага нефть сотадиган давлатларга юқори божлар жорий этиш билан таҳдид қилган. АҚШ президенти Дональд Трамп Эронга қарши уруш ва Николас Мадуронинг ҳокимиятдан ағдарилишидан кейин Куба унинг навбатдаги кун тартибидаги масала бўлишини айтганди.
Куба президенти Мигел Диас-Канел февраль ойи бошида АҚШ блокадасини “фашистик, жиноий ва геноцидга қаратилган ҳаракат” деб қоралаганди. Бироқ, 13 март куни у АҚШ билан музокаралар бошланганини эълон қилди ва бу алоқаларни кучайиб бораётган энергетика инқирози шароитида биринчи марта расман тан олди.
Дональд Трамп Куба ҳақида
16 апрель куни Дональд Трамп журналистлар билан мулоқотда “Кубага эга чиқиш шарафига муяссар бўлишини” айтган.
“Масалан, Кубани олайлик. Мен уни озод қилишни, уни қўлга олишни назарда тутяпман. У билан хоҳлаган ишимни қила оламан, деб ўйлайман. Ҳозир бу жуда заиф мамлакат”, деган у.
