Эрон Исроилга ўнлаб баллистик ракеталар учирди. Бу ҳақда Эроннинг Nour News агентлигига таяниб, “РИА Новости” хабар бермоқда.
Slash Report хабарига кўра, биринчи тўлқин пайтида Эрон Исроил томонга 30 га яқин баллистик ракета учирган. Исроил мудофаа армияси маълумотларига кўра, бир неча дақиқадан сўнг мамлакатга яна бир бор зарба берилган. Гап баллистик ракеталар ҳақида кетмоқда. Тель-Авивда сўнгги ҳужумлардан кейин тутун кузатилмоқда.“Исроил томон ўнлаб баллистик ракеталар учирилди”, дейилади агентлик хабарида.
Эрон АҚШнинг Қатар ва Баҳрайндаги ҳарбий базаларига зарба беришга уринмоқда. Қатар ҳукумати ракета уриб туширилганини маълум қилди, Баҳрайнда эса ерда талафотлар кузатилган. Бундан ташқари Иордания пойтахти Уммон ва Кувайтда ҳаво тревогаси сиреналари янграган.
Исроил бош вазири Биньямин Нетаньяху мамлакат фуқароларини Эронга қарши бошланган амалиёт сабабли яқин кунларда матонатли бўлишга тайёрланишга чақирган.
28 февраль куни эрталаб АҚШ ва Исроил Эронга қарши кенг кўламли ҳарбий амалиётни бошлади. Президент Дональд Трамп зарбалар бошланганини эълон қилар экан, Эронда ҳеч қачон ядро қуроли бўлмаслигини, унинг барча ракеталарини йўқ қилишини ва мамлакат ракета саноатини бутунлай вайрон этишини маълум қилди.
