Тошкентда 2025 йилда қарздорлиги ортидан неча киши қидирувга берилгани маълум қилинди. Бу ҳақда Бош прокуратура матбуот хизмати хабар қилди.
Қайд этилишича, ўтган йилда суд қарорларига асосан қарздор деб топилган 824 нафар шахсга нисбатан қидирув эълон қилинган. Шундан 630 нафари топилиб, кейинги ижро ҳаракатлари амалга оширилган.
Жорий 2026-йилнинг январь ойида эса 56 нафар қидирувдаги шахслар топилиб, уларга нисбатан ҳуқуқий чоралар кўрилган.
Шу билан бирга, алимент тўловчи қарздорлардан 51 нафари суд ҳужжати иш юритувга қабул қилинишидан аввал чет давлатларга чиқиб кетгани аниқланди. Уларга нисбатан халқаро қидирув эълон қилиниб, халқаро шартномалар асосида сўровномалар юборилган.
Андижонда 2025 йилнинг илк 10 ойидан ортиқ даврда қарзи сабаб қидирувда бўлган 518 киши топилганди. Қидирувга берилганлар сони 654 нафар бўлган.
