Sofascore портали Англия Лига кубоги ярим финал босқичи якунларига кўра рамзий жамоани эълон қилди. Ундан Ўзбекистон миллий терма жамоаси ва “Манчестер Сити” ҳимоячиси Абдуқодир Ҳусанов ҳам жой олди.
Таркибга Ҳусановдан ташқари “Манчестер Сити” жамоасининг яна икки футболчиси — Жеймс Траффорд ва Райан Шерки киритилди. Шунингдек, “Арсенал”дан 4 нафар, “Челси”дан 3 нафар ҳамда “Ньюкасл”дан 1 нафар футболчи ҳам рамзий жамоадан жой олган.
Англия Лига Кубоги рамзий терма жамоаси (Sofascore):
Дарвозабон: Жеймс Траффорд (“Манчестер Сити”);
Ҳимоячилар: Бен Уайт (“Арсенал”), Жоррел Ҳато (“Челси”), Абдуқодир Ҳусанов (“Манчестер Сити”), Левис Ҳалл (“Ньюкасл”);
Ярим ҳимоячилар: Деклан Райс (“Арсенал”), Мартин Зубименди (“Арсенал”), Энсо Фернандеш (“Челси”;
Ҳужумчилар: Алехандро Гарначо (“Челси”), Виктор Дёкереш (“Арсенал”, Райан Шерки (“Манчестер Сити”)
“Челс” — “Арсенал” учрашувида (2:3) дубль муаллифига айланган Алехандро Гарначо 9,2 балл билан энг юқори балл олган футболчига айланди. Абдуқодир Ҳусанов эса рамзий терма жамоага киритилганлар орасида энг юқори балл олган иккинчи футболчи бўлди.
Маълумот учун, “Манчестер Сити” Англия Кубоги 1/2 финал босқичининг илк учрашувида “Ньюкасл”ни 2:0 ҳисобида мағлуб этди. Иккинчи ярим финалда эса “Арсенал” 3:2 ҳисобида “Челси”дан устун келди. Ушбу жамоалар ўртасидаги жавоб баҳслари 4—5 февраль кунлари бўлиб ўтади.
