Мадриднинг “Реал” клуби бош мураббийи Хаби Алонсо яқин кунлар ичида ишдан бўшатилиши мумкин. Marca нашрининг ёзишича, мураббий футболчилар орасида обрўсини йўқотган, клуб раҳбарияти эса ҳозирги вазиятда кўпроқ ўйинчилар тарафини олмоқда.
Маълумотларга кўра, жамоадаги инқироз “Эл-Класико”дан кейин бошланган. Ўша учрашувда бразилиялик ҳужумчи Винисиус Жуниор ҳиссиётга берилиб Хаби Алонсони танқид қилган эди. Мазкур ҳолат ортидан испаниялик мутахассисга нисбатан норозилик кучайган.
Аввалроқ Эслатиб ўтамиз, аввалроқ кутилмаган натижалар қайд этаётган “Реал Мадрид”да ички вазият янада мураккаблашаётгани ҳақида хабарлар тарқалганди. Клубга яқин манбаларнинг ёзишича, жамоа ўйинидаги инқирозга биргина мураббий Хаби Алонсо эмас, балки етакчи футболчиларнинг ўзаро мослаша олмаётгани ҳам сабаб сифатида кўрсатилмоқда.
7 декабрь, якшанба куни “Реал” Испания чемпионатининг 15-туридан ўрин олган “Сельта”га қарши баҳсда кутилмаганда 0:2 ҳисобида ютқазиб қўйди. Энди “қаймоқранглилар”нинг пешқадам “Барселона”дан 4 очкога ортда қолмоқда. 10 декабрь куни Алонсо жамоаси ўз майдонида “Манчестер Сити”ни қабул қилади.
