Тошкент шаҳар Мирзо Улуғбек туманидаги мактабларнинг бирида ёнғин содир бўлди. ФВВ ҳолат юзасидан маълумот берди.
Унда айтилишича, бугун, 13 октябрь куни соат 17:23 да Тошкент шаҳар ФВБга 208-мактаб ҳудудидаги таъмирланаётган бўш бинонинг том қисмида ёнғин содир бўлаётгани тўғрисида хабар келиб тушган.
Хабарга асосан, ёнғин-қутқарув экипажлари айтилган манзилга соат 17:28 да етиб бориб, ёнғин соат 17:39 да қуршаб олинган ҳамда соат 17:42 да бартараф этилган. Ёнғин вақтида мактаб ходимлари ва ўқувчилар бўлмаган.
Ҳодисанинг сабаби таъмирлаш ишлари вақтида ёнғин хавфсизлик қоидаларига риоя этмаганликдан, дея тахмин қилинмоқда, зарари аниқланмоқда.
Ёнғин оқибатида тан жароҳати олганлар йўқ.
