Шавкат Мирзиёев 22 сентябрь куни БМТ Бош Ассамблеяси 80-юбилей сессияси тадбирлари доирасида ўзи учун ажратилган қароргоҳда АҚШ президентининг Жанубий ва Марказий Осиё бўйича махсус вакили Сержио Горни қабул қилди.
Президент матбуот хизматининг ёзишича, учрашув аввалида Сержио Гор АҚШ президенти Дональд Трампнинг самимий саломини етказди. 2025 йил 5 сентябрь куни икки мамлакат етакчиларининг телефон орқали мулоқотида эришилган келишувларни амалга ошириш нуқтаи назаридан Ўзбекистон—АҚШ стратегик шериклик муносабатларини янада мустаҳкамлаш масалалари муҳокама қилинди. Ўзбекистон ва АҚШ етакчилари телефон орқали мулоқотда стратегик шерикликни янада кенгайтиришга келишиб олинганди.
Жадал сиёсий мулоқот, турли даражадаги делегациялар алмашинуви ҳамда ишбилармонлик алоқалари суръати ортиб бораётгани мамнуният билан қайд этилди.
Шу кунларда Нью Йорк шаҳрида АҚШнинг етакчи компаниялари билан кўплаб самарали учрашув ва тадбирлар ўтказилди. Фуқаро авиацияси, тоғ-кон саноати, молия ва инновациялар, кимё, энергетика ва бошқа устувор йўналишларда умумий қиймати 100 миллиард доллардан зиёд бўлган шартномалар ва истиқболли лойиҳалар портфели шакллантирилди.
Янги лойиҳаларни қўллаб-қувватлаш ва илгари суриш учун АҚШ Эксимбанки ва DFC жамғармаси имкониятларидан фойдаланиш, уларни амалга оширишни жадаллаштириш учун қўшма Мувофиқлаштирувчи қўмита таъсис этиш муҳимлиги қайд этилди.
Хавфсизлик, терроризм ва ноқонуний миграцияга қарши курашиш соҳаларидаги ҳамкорликка алоҳида эътибор қаратилди.
Бўлажак тадбирлар режаси ҳам кўриб чиқилди.
Times of Malta ва OCCRP нашрларига кура, Сержо Гор 1986-иил 30-ноябрда Тошкентда туғилган. Унинг уша паитдаги тулиқ исми Сергеи Гороховскии булган. Буни унинг адвокати Роберт Гарсон ҳам тасдиқлаган.
