Шавкат Мирзиёев рафиқаси билан ШҲТ саммитининг норасмий тадбирларида қатнашди

31-август куни Ўзбекистон президенти Шавкат Мирзиёев рафиқаси билан бирга Шанхай ҳамкорлик ташкилоти саммитининг норасмий тадбирларида иштирок этди. Бу ҳақда президент матбуот хизмати хабар берди. 

Тадбирлар Тянсзин шаҳридаги “Мейсзян” конгресс марказида бўлиб ўтди. Унда қуйидаги хорижий давлатлар етакчилари қатнашди:

Хитой раиси Си

Цзиньпин, Россия президенти Владимир Путин, Беларус президенти Александр Лукашенко, Ҳиндистон бош вазири Нарендра Моди, Покистон бош вазири Шаҳбоз Шариф, Эрон президенти Масъуд Пезешкиён, Қозоғистон президенти Қасим-Жўмарт Тўқаев, Қирғизистон президенти Садир Жапаров, Тожикистон президенти Эмомали Раҳмон, Туркия президенти Ражаб Тоййиб Эрдўғон, Туркманистон президенти Сердар Бердимуҳамедов, Озарбайжон президенти Илҳом Алиев, Мўғулистон президенти Ухнаагийн Хурелсух.

Миср, Камбоджа, Непал, Арманистон ҳукуматлари раҳбарлари ҳамда Бирлашган Миллатлар Ташкилоти бош котиби Антониу Гутерриш ҳам иштирок этди. Ўзбекистон президенти ва рафиқасини Хитой раиси Си

Цзиньпин ва рафиқаси самимий кутиб олди.

Шундан сўнг хорижий етакчиларга Шанхай ҳамкорлик ташкилотининг Тянсзин саммитига бағишланган консерт дастури намойиш этилди.