Хоразм вилояти Урганч шаҳрида икки ўсмир қиз 7-қаватдан ўзини ташлаб, жонига қасд қилди. Бу ҳақда Бош прокуратура хабар берди.
Маълум қилинишича, ҳолат 7 июль куни соат 08:15 ларда Урганч шаҳар, Нурли ҳаёт кўчаси, 20-уйда содир бўлган. Етти қаватли уйнинг томидан 2 нафар қиз ўзини пастга ташлаб, вафот этган.
Ўтказилган текширувда ўз жонига қасд қилган қизларнинг 2009 йилда туғилган вояга етмаган Д.С. ҳамда 2010 йилда туғилган вояга етмаган С.Б. экани аниқланган. Ҳозирда ҳолат юзасидан Урганч шаҳар прокуратураси томонидан терговга қадар текширув ҳаракатлари олиб борилмоқда.
