Ереван марказида, Баграмян шоҳкўчасидаги Арманистон президенти қароргоҳи яқинида катта ёнғин рўй берди. Гувоҳлар Сильва Капутикян кўчаси атрофида иккита портлаш содир бўлганини хабар қилмоқда. Бу ҳақда News Armeniya хабар бермоқда.
Гувоҳлардан бири ҳодиса техник носозлик туфайли юз берган бўлиши мумкинлигини айтган.
“Бетон аралаштиргич кўтарилишни уддалай олмади, орқага юмалаб, ағдарилиб кетди ва портлади”, деди воқеа гувоҳи.
Қутқарув хизмати маълумотларига кўра, ёнғин ҳақидаги хабар Миллий инқирозни бошқариш марказига соат 16:02 да келиб тушган. Воқеа жойига тўртта ўт ўчириш гуруҳи жўнатилган. Тўртта автомобиль — учта енгил автомобиль ва битта бетон аралаштиргич ёнаётгани аниқланган.
Ёнғин соат 16:50 да назорат остига олиниб, 17:08 да тўлиқ бартараф этилган. Дастлабки маълумотларга кўра, ёнғинда жабрланганлар йўқ.
Сўнгги вақтларда содир бўлган ёнғинлар2024 йилнинг 13 октябрь куни Юнусободда янги қурилаётган бинонинг томи ёниб кетганди. 16 октябрда эса Миробод туманида жойлашган “Миран” меҳмонхонасининг қурилиши давом этаётган эски биносида ёнғин чиқди.
Шунингдек, 20 октябрь куни соат 16:54 да Шайхонтоҳур туманидаги Билдириш тор кўчасида жойлашган хонадонларда ёнғин содир бўлди.
Бундан ташқари, Олмазор тумани “Чинобод” МФЙ, Сағбон 30-берк кўчасида жойлашган 5-уйдаги хонадонларнинг бирида 31 октябрь куни соат 02:13 да ёнғин содир бўлди.
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
