“Манчестер Юнайтед” ҳужумчиси Жошуа Зиркзе фаолиятини А Серияда давом эттириши мумкин. Италия манбаларига кўра, нидерландиялик футболчининг хизматларига “Интер” жиддий қизиқиш билдирмоқда.
Аввалроқ, “Болонья” сафида тўп сурган 23 ёшли ҳужумчи Италия футбол муҳитига яхши мослашган. Шу боис миланликлар уни ўз сафига қўшиб олиш учун ҳаракат бошлаган. Шунингдек, Жошуа ҳам соврин ютиш мақсадида каттароқ клубларга ўтишга қарши эмас.
Зиркзенинг “Манчестер Юнайтед” билан шартномаси 2029 йил ёзигача амал қилади. Шундай бўлса-да, унинг Италия чемпионатига қайтиш эҳтимоли юқори баҳоланмоқда. Трансфер суммаси тахминан 35 миллион евро атрофида бўлиши мумкин.
Футболчининг “Манчестер Юнайтед”даги ишларини яхши деб бўлмайди. Сабаби Зиркзе жорий мавсум Премьер Лига доирасидаги 32 учрашувда майдонга тушиб, ўз ҳисобига 3 та гол ва 1 та голли узатмага ёздириб қўйган. Бу марказий ҳужумчи учун пастроқ кўрсаткич саналади.
