Хоразм вилоятининг Ҳазорасп, Хонқа ва Шовот туманларига янги ҳокимлар тайинланди. Бу ҳақда вилоят ҳокимлиги матбуот хизмати хабар берди.
Жумладан, Мақсудбек Абдуллаев Ҳазорасп тумани ҳокими лавозимига тайинланди.
У Тупроққалъа туманидаги New Best Style MЧЖ таъсисчиси бўлиб фаолият олиб борган.
Шунингдек, Улуғбек Давлатов Хонқа тумани ҳокими этиб тайинланди.
У тайинловга қадар Янгибозор тумани ҳокимининг молия иқтисодиёт ва камбағалликни қисқартириш масалалари бўйича биринчи ўринбосари лавозимида ишлаб келаётган эди.
Бундан ташқари, Мурадбек Давлатов Шовот тумани ҳокими этиб тайинланди.
У тайинловга қадар Хонқа тумани ҳокими лавозимида ишлаб келган.
