Футбол бўйича Европа Чемпионлар Лигаси 1/8 финал учрашуви доирасидаги бир нечта баҳслар бўлиб ўтди. “Реал” ўз майдонида ҳамшаҳари “Атлетико”дан устун келган бўлса, “Арсенал” сафарда “ПСВ”ни йирик ҳисобда мағлуб этди.
Мадридда кечган баҳсда тезкор гол киритилди. Ўйиннинг 4-дақиқасида Родриго “қироллик клуби”ни ҳисобда олдинга олиб чиқди. 32-дақиқада эса Хулиан Альварес чиройли гол билан мувозанатни тиклаб қўйди. Иккинчи тайм бошида эса Браим Диас “Реал”га ғалаба келтирган гол муаллифига айланди. Якуний ҳисоб 2:1.
Нидерландияда кечган баҳсда эса дарвозаларга 8 та тўп киритилди. “Арсенал” голларига Тимбер, Нванери, Мерино, Троссард, Калафьори ва Эдегор (дубль) муаллифлик қилди. “ПСВ” киритган ягона тўп эса Ноа Ланг номига ёзилди.
ЕЧЛ
4 март, сешанба
1/8 финал босқичи
“Реал” — “Атлетико” 2:1
Голлар: 1:0 — 4, Родриго, 1:1 — 32 Альварес, 2:1 — Диас, 52.
“Реал”: Куртуа, Вальверде (Васкез, 82), Асенсио, Рюдигер, Менди, Диас (Эндрик, 89), Чуамени, Камавинга (Модрич, 62), Родриго, Мбаппе, Винисиус.
“Атлетико”: Облак, Льоренте, Хименес, Лангле, Галан, Симеоне (Молина, 64), Барриос (Корреа, 75), Де Паул (Сорлот, 75), Диас Лино (Галлахер, 64), Альварес, Гризманн (Ле Норман, 71).
“ПСВ” — “Арсенал” 1:7
Голлар: 0:1 — 18, Тимбер, 0:2 — 21, Нванери, 0:3 — 31, Мерино, 1:3 — 43, Ноа Ланг, 1:4 — 47, Эдегор, 1:5 — 48, Троссард, 1:6 — 73, Эдегор, 1:7 — 85, Калафори.
“ПСВ”: Бенитес, Ледезма (Карсдорп, 65), Фламинго (Нагола, 46), Боскальи (Обиспо, 82), Маласия, Сайбари (Верман, 82), Шутен, Тиль, Перишич, Де Йонг (Бакайоко, 65), Ланг.
“Арсенал”: Рая, Льюис-Скелли (Калафорьи, 35), Габриэль, Салиба, Тимбер (Уайт, 77), Эдегор, Парти (Зинченко, 71), Райс, Троссард, Мерино (Тирни, 77), Нванери (Стерлинг, 71).
Шунингдек, “Брюгге” — “Астон Вилла” ва “Боруссия Д” — “Лилль” учрашувлари ҳам бўлиб ўтди. Бельгияда кечган беллашувда инглиз клуби 3:1 ҳисобида ғалаба қозонган бўлса, Германиядаги ўйинда дуранг қайд этилди — 1:1.
Маълумот учун, ушбу жамоалар ўртасидаги жавоб учрашуви 13 март куни ўтказилади.
