Дунёдаги энг машҳур иккита ҳамёнбоп Temu ва Shein харид платформаси Вьетнамда ўз фаолиятини тўхтатди. Бу ҳақда South China Morning Post хабар берди.
Temu ва Shein хизматларини қайта бошлаш учун маҳаллий ҳокимият рухсатини кутмоқда. Вьетнам Саноат ва савдо вазирлиги Тему компанияси бизнесни рўйхатдан ўтказиш жараёнини 30 ноябргача якунламагани сабабли фаолиятини тўхтатиб қўйган. Shein платформаси худди шу сабабларга кўра вақтинча ишламаяпти.
Temu кичик ва ўрта бизнесни ҳимоя қилиш ташаббуси доирасида Индонезияда ҳам тақиқланган. Расмийларга кўра, Temu’нинг бизнес модели маҳаллий дилерлар ва юк ташувчиларни четлаб ўтиб, нархларни пасайтириб, майда савдогарларни сиқиб чиқармоқда.
Қийинчиликларга қарамай, Жануби-Шарқий Осиё Temu, Shein ва Хитой томонидан қўллаб-қувватланадиган бошқа электрон тижорат платформалари, жумладан, ByteDance компаниясининг TikTok Шоп ва Alibaba Group Xolding’нинг Lazada’си учун йирик хорижий бозорга айланди.
Temu
2022 йилда ташкил этилган Temu ҳозирда 80 дан ортиқ мамлакат ва ҳудудда фаолият юритмоқда. Similarweb таҳлил компанияси маълумотларига кўра, учинчи чоракда Temu дунёдаги иккинчи энг машҳур онлайн платформа бўлиб, ойига ўртача 662,5 миллион ташрифни қайд этган ва 2,7 миллиард ташриф билан Amazon’дан кейин иккинчи ўринда туради.
Shein
2008 йилда хитойлик тадбиркор Скай Сюй Янтян томонидан асос солинган Shein компанияси 150 дан ортиқ мамлакатда фаолият олиб бормоқда. Бироқ ушбу платформалардаги паст нархлар ва қалбаки маҳсулотларнинг сотилиши кўпинча маҳаллий ҳокимият органларида хавотир уйғотмоқда.
- “Дарё” нашри электрон бозор, маркетплейслар ва мавжуд муаммолар ҳақида иқтисодчи Отабек Бакиров, Ўзбекистон “Селлерлар” уюшмаси раиси Тимур Рашидов ва Uzum Market МЧЖ ХК сотувчиси Муҳаммаджон Муроджонов билан суҳбатлашганди.
