Самарқанд шаҳрида “Волга”га урилган Nexia-2 ёниб кетди. Бу ҳақда вилоят ЙҲХБ ахборот хизмати хабар берди.
Унга кўра, ҳолат 4 сентябрь куни соат 9:50 лар атрофида Самарқанд шаҳар Бўстонсарой кўчасида содир бўлган. Nexia-2 ҳаракатланиб келиб, йўлнинг ўнг томонида ёнилғиси тугаб тўхтаб турган “Волга”нинг орқа қисмига келиб урилган.
Оқибатда Nexia-2 да ёнғин содир бўлган. Ёнғин зудлик билан Самарқанд шаҳар ФВБ ходимлари томонидан бартараф этилган. Ҳолат оқибатида тан жароҳати олган ва вафот этганлар йўқ.
Ҳодиса юзасидан дастлабки суриштирув ишлари олиб борилмоқда.
Аввалроқ Тошкент шаҳар Миробод туманида устунга урилган Cobalt ёниб кетгани хабар қилинганди. Воқеа 3 сентябрь куни соат 21:00 ларда Миробод тумани Фарғона йўли кўчасида содир бўлган.
