Оғир вазнда UFC чемпиони унвонининг амалдаги соҳиби, америкалик Жон Жонс Албукеркедаги уйига тақиқланган моддаларга тест олиш учун келган Drug Free Sport (DFS) антидопинг ходимини ўлдириш билан таҳдид қилди. Бу ҳақда Abq Raw хабар бермоқда.
Мавжуд маълумотларга кўра, Жон Жонс ўта маст бўлган. DFC ходими уйга кирганида, Жонс тестларни топширишдан бош тортган. Шундан сўнг, у ўлдириш билан қўрқита бошлаган ва ходимнинг телефонини ҳам олиб қўйган. Жароҳат олган эркак полицияга мурожаат қилган. Бироқ, маълумотлар базасида Жонсга нисбатан жиноий ёки маъмурий иш ҳали рўйхатга олинмаган.
Эслатиб ўтамиз, Жон Жонс ўзининг сўнгги жангида франциялик жангчи Сирил Ганни бўғиш усули билан мағлуб этганди.
