Фарғона вилоятининг Данғара туманида ўз отасини ўлдирган 25 ёшли йигит 10 йилга озодликдан маҳрум этилди. Бу ҳақда «Севимли» телеканалининг «Замон» информацион дастурида маълум қилинди.
Хабарда айтилишича, ота спиртли ичимликлар ичишга муккасидан кетган бўлиб, маст ҳолда ўз хотинини мунтазам равишда калтаклаб келган.
Жиноят содир бўлган 16 май куни ҳам ота маст ҳолда уйга келиб онасининг биринчи гуруҳ ногирони сифатида оладиган нафақа пулларини беришни, унга ароқ сотиб олишини айтган. Аёл пул йўқлигини айтганида эр уни дўппослаб кетган.
Бунга гувоҳ бўлган йигит чидаб туролмаган ва отасини ерга йиқитиб, кўкрак қисмига бир неча бор тепган. Унинг эгнида бўлган спорт кийими боғичини олиб, бўйнидан бўғиб ўлдирган.
Йигит Жиноят кодексининг 97-моддаси билан айбдор деб топилиб, унга нисбатан 10 йилга озодликдан маҳрум қилиш жазоси тайинланган.
Мавзуга доир:
