Фарғона водийсида 15—17 июнь кунлари сел келиши хавфи мавжуд

15—17 июнь кунлари кутилаётган ёмғирлар ёғиши ҳисобига Фарғона водийси вилоятларининг тоғолди ва тоғли ҳудудларида сел-сув тошқин ҳодисалари юзага келиши мумкин. Бу ҳақда «Ўзгидромет» хабар берди.

Жумладан:

• Наманган вилояти: Поп, Косонсой, Чортоқ, Чуст, Наманган, Янгиқўрғон туманларида;
• Фарғона вилояти: Сўх, Фарғона, Бешариқ туманларида;
• Андижон вилояти: Андижон, Асака, Жалақудуқ, Қўрғонтепа, Пахтаобод, Избосган, Хўжаобод, Марҳамат туманларида ва Хонобод шаҳрида сел-сув тошқин ҳодисалари юзага келиши мумкин.

«Тоғолди ва тоғли ҳудудларда истиқомат қилувчи фуқаролардан, дам олувчилардан ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўришларини сўраймиз», — дейилади хабарда.

Эслатиб ўтамиз, 10—14 июнь кунлари Ўзбекистоннинг 9 та вилоятида сел келиши хавфи эълон қилинганди.

Мавзуга доир: 

• Деҳқонобод туманига сел келди (видео)
• Ўзбекистонда март—май ойларидаги сел ва кўчкилар оқибатида 9 нафар инсон ва 450 дан ортиқ бош чорва моллари нобуд бўлди