Ўзбекистонда долларнинг расмий курси пастлади

Марказий банк 20 декабрдан хорижий валюталарнинг ўзбек сўмига нисбатан янги қийматини белгилади.

Унга кўра, долларнинг расмий курси 18,90 сўмга пастлаб, 10 821,32 сўмни ташкил қилди. Евро 1,35 сўмга кўтарилиб, 12 265,97 сўм бўлди.

Бундан аввал долларнинг расмий курси бир кунлик пастлашдан сўнг яна кўтарилиб, 10 840,22 сўмни ташкил қилганди. Тижорат банкларида эса 15 декабрь куни доллар курси 10 900 сўмга қадар кўтарилганди. Ҳисоб палатаси 2022 йилда доллар курси 11 300 сўмгача кўтарилишини прогноз қилмоқда.

Президентнинг «Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида»ги қарори лойиҳасига кўра, Ўзбекистонда тадбиркорларга валюта айирбошлаш хизматларини кўрсатишга рухсат берилиши мумкин. Мавзуга доир: 

• Ўзбекистонда 22 декабрдан янги намунадаги 50 минг ва 100 минглик купюралар муомалага чиқарилади
• Марказий банк янги 50 минг сўмлик банкнота дизайнида хатоликка йўл қўйилганини маълум қилди