Қишда совуқдан сақланиш учун қалин ва қулай кийиниш муҳим саналади. Кийим-кечакларни тўғри умумлаштириш орқали эса нафақат иссиқ, балки ўзига хос образга ҳам эга бўлиш мумкин.
Джинси шим
Пальто ва джинсини бир-бири билан осон мослаш мумкин. Кундалик образ учун этаги кенг шимлар айни муддао. Бел қисми юқори, умуман олганда, эркин турадиган шимларни водолозка ва свитер билан умумлаштириб, устидан oversize пальто кийиш тавсия қилинади. Ранг борасида кайфият кўтарилишига ҳисса қўшиб, образнинг ўзига хос бўлишини таъминлайдиган ёрқин вариантларга эътибор қаратиш керак.
Аксессуарлар
Жун матосидан тикилган пальто билан юмшоқ чармдан тикилган кийим-кечакларни умумлаштиришга ҳаракат қилинг. Ноодатий кўриниш учун эса аксессуар ҳам ўзига хос бўлиши керак. Ихчам бўлмаган челси ва катта ҳажмли юмшоқ матодан тикилган сумка билан образ қизиқарли кўринади.
Оч ранглар
Совуқ тушиши билан қора ва тўқ рангда кийинишни маъқул биладиганлардан ажралиб туришга ҳаракат қилинг. Оч ранглар нафақат образни ёрқин кўрсатади, балки кайфиятингизга ҳам ижобий таъсир қилади.
Калта юбка ва шорти
Пальто билан юбка ва шортилар жуда ҳам чиройли кўринади. Устки кийимнинг узунлиги, юбканинг эса калталиги оёқларни узун кўрсатади, қолаверса, пальто совқотмасликка ҳисса қўшади. Тиззадан узун ва кенгроқ моделлар қоматни ихчам, бўйни эса узун кўрсатади.
Классик бичимли шимлар
Стрелкаси бор классик бичимли шимлар билан узун ва елка қисмига урғу берилган узун пальто аёлларнинг дилбар ва латофатли кўринишига ҳисса қўшади. Бундай образ ишбилармон ва расмий идораларда ишлайдиганлар учун айни муддао.
Шарф
Пальто билан бирга юмшоқ шарфни бўйинга айлантириб ўраш ёки шунчаки елкага ташлаб олиш мумкин. Асосийси эса эркин туришига эътибор қаратиш керак. Бу совқотишнинг олдини олишдан ташқари, қулайликни ҳам таъминлайди.
Жемпер
