Марказий банк 14 октябрдан хорижий валюталарнинг ўзбек сўмига нисбатан янги қийматини белгилади.
Унга кўра, долларнинг расмий курси 16,02 сўмга кўтарилиб, 10 700,03 сўмни ташкил қилди. Евро 17,44 сўмга кўтарилиб, 12 366,02 сўм бўлди. Мамлакатда ушбу валютанинг расмий курси биринчи марта 16 сентябрь куни 10 700 сўмдан ошганди.
Бундан аввал долларнинг расмий курси 18,01 сўмга кўтарилиб, 10 684,01 сўмни ташкил қилганди.
Эслатиб ўтамиз, 15 февралдан ички валюта бозоридаги олди-сотди операциялар тартибига оид ўзгаришлар кучга кирди. Шундан буён расмий валюта курси ҳар куни эълон қилинмоқда.
