Бухоро шаҳрида тўхтаб турган Cobalt’да ёнғин чиқиб, матор ва олд салон қисмларига зарар етди. Бу ҳақда вилоят ФВБ матбуот хизмати хабар берди.
Воқеа 24 сентябрь куни соат 19:53 да юз берган. Т.Фароғий кўчаси 67-уй олдида турган Ж. М.га тегишли Cobalt’да ёнғин чиқиб, автомобилнинг мотор ва олд салон қисмлари ёнган. Ўт ўчирувчилар соат 20:04 да ёнғинни батамом ўчирган.
Қайд этилишича, ҳодиса оқибатида фуқароларнинг куйиш тан жароҳати ва ҳалок бўлиш ҳолатлари аниқланмаган. Ҳозирда ёнғиннинг келиб чиқиш сабаби ҳамда моддий зарари аниқланмоқда.
Эслатиб ўтамиз, Қаршида ҳаракатланиб кетаётган Nexia’да, Тошкентда ҳаракатланаётган Hyundai Sonata’да ёнғин чиққанди. Жиззахдаги заправкада «Жигули», Тошкентда ЙТҲга учраб ағдарилган Lada Samara, Самарқандда тўхтаб турган Captiva, Қаршида ҳаракатланиб кетаётган Lacetti эса бутунлай ёниб кетганди.
